حظوظ الناس حلوه اشماله حظنه

ومثل حسنك يغالي ما لحظنه

لون شخصك حبيبي  مال احظنه

قسم سنتين مااهده من اديه

ابوذیات بأسامی الاولاد و البنات،لکن مع الأسف لا اعرف شاعر هذه الابوذیات.

باقی الأسامی فی المزید(ادامه مطلب)

زنجیل ابوذیه

لنهر دمعك صبح جفني....يرف لاك
وعلم شوكي بغيابك ظل....يرف لك
شتضن لمن تمر كلبي.....يرف لك

وانه الضيم الوكت عنك...بعدني
وجنتك ما ابدللهه.... بعدني
اذا بعدك تحن ليه..... بعدني

احن واشتاك وابدا.... ما تخله
ودمعي السال بعدك.... ما تخله
احس كلبي بوداعك.... مات خله

وصبح ضيم ومصيبه... وبلوه حالي
وسألني الكلب عنك..... بل وحالي
تغير حاله كتله....... بل وحالي

ويكلي لسانه ساكت......ماله مستك
لكو تك الغرامه..... الماله امس تك
مجرد كلت احبك...... ما لمستك

صبح حجيك كنافذ .....صرت ابرهه
وروحك كطعتني...... وصرت ابرهه
كعبه انه وعليه...... صرت ابرهه

واشيلن سيئاتك..... موسيئتي
واريد الفرح حالا.... مو سيأتي
اذا ثعبان غدرك...... موسى يأتي

موانه الاكولن...... بل هوه ايه
وقليل البيك خانوا؟؟.....بل هوايه
وانه ادري تحبني..... بل هوايه

واطير من الفرح فديوم..... منتاج
والبسك لوبديه تاج...... من تاج
وانه ادري بعشرتك اسف.... مونتاج
وانه ارفض اكون المسرحيه

الشاعر:سیف العبادی

علیک انه انکسر ظهری و حنیت

او ذکرت ایامنه الحلوه و حنیت

الک یلمشّطت شعری و حنیت

او هسه الشیب شوف اشعمل بیه

*****

صفیت انه بلا خی او ولد عم

او گمت ما امیز الابیض و لدعم

ادور عل کسر گلبی و لدعم

هجرنی الوکت شوف اشعمل بیه

*****

یالخدچ ذهب لینه تعالی

هبطنه الوکت و الشامت تعالی

من بعدچ تظل روحی تعالی

و ارید انتی الدوه اتصیرین لیه

*****

شجر تفاح اخدودک و انه زور

و اشحلاتک دلع من تمشی و انه زور

یریت اتصیر لی حضرة و انه زور

و اطوفک کل صباح او کل مسیة

*****

و حگ کلمن یلاهی صاح ولون

المصایب عجنن الدلال ولون

الدهر یمطر علینه اشکال و الوان

الفرح للناس و انه الضیم الیه

*****

***للشاعر علی بیت سیاح***

المصدر:علی بیت سیاح

وشبهه

اوصّف بیش الک شوقی و شبهه

یمن بُعدک حرق روحی و شبهه

ما أدری إشلفه عینی و شبهه

تضمّک ودها ما بین الاهداب

احمد الحیاوی - الاهواز

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

بشته وكتي يخل ذچرك دفاني

رحت والوكت بترابه دفانی

يريت ابوكت المنازع دفانی

يصيرانت ويهل دمعك عليه

الشاعر:صادق الناصري

¤¤¤¤¤¤¤¤¤¤¤¤¤¤¤¤

ابوذيات :

منو النكر عهده من عهد من
انهدم كلبك وكلبي من عهد من
عشكنا تعرف شوكت ومن عهد من
قبل الاسلام هسه تخون بيــــــه

****

يهل روحك عله الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه

****

الهــــجر يكتل يصاحب وانت داري
عليـــــك يخاف كلبي وانت داري
انـــت اهلي وعمامي وانت داري
انــــت امـــــــي وابـوي واخ اليه

****

حبيبي اغيابه كلش دمراني
الحلك جكليت يمكن دمه راني
اطبكت شفتي اعله شفته دمراني
عسل حلقوم شو تاهت عليه

****
شي مرتاح نومــــــه هني شي فاز
وشي خسران بالحب ولك شي فاز
اريد اشــــــرب بهجرك بطل شيفاز
واخلي اهل العــــــــرگ تحتار بيه

**** 

حبيبي الشوق لا تكطع وصالة
الك بكلبي كم غرفة وصالة
نجوى تروح الك فدوة واصالة
ووياهن لطيفة التونسية

**** 

وحك من خالق السبعة بسته
روحي ماتحب غيرك بس انته
خدك بالحلم يسمر بسته
وتطاير ورد من خدك علية

**** 

احبك من تصل لية واصل ليك
واكطع كلبي بفراكك وصل ليك
احسك ركعة كل ساعة اصليك
واصيح الله واكبر حن علية

**** 

لغيرك رام كلبي ابد مخزن
ولك عشك بوسط هالروح مخزن
اذا حبيت غيرك هاك مخزن
ابو ثلاثين طلقه وفرغه بية

****

مر مرة حبيبي ومرة دانه
اخذ يسحك بكلبي ومردانه
غديت اخلع قميصي من ردانه
لان بس الجلد والعظم بيه

**** 

انا العطشان منك مي اتاني
مثل صبري بغيابك من يتاني
تكلي شلون صحتك ميت اني
لان فركاك هو العم عليه

****

يبو طول الحلو والعسل:: شفتك
غرامك شبكاني وبعد :: شفتك
طحت وسودنت من يوم :: شفتك
وكمت ازحف زحف بثنين ادية

****

الشعرا:؟ 

ــــــــــــــــــــــــــــــــــــــــــــــــ
احمد الذهبي
روحي من المصايب .. ناخ ذلهة
شفت عزهة بمذلة .. ناخي ذلهة
اكو وادم تحية .. ناخذلهة
وهي الجتالنة تاخذ تحية
ـــــــــــــــــــــــــــــــــــــــــــــــــ
رحيم المالكي
سلطان على روحي .. من يعللك
يالعاذل بهمي .. من يعللك
لا تمن بدهرك .. من يعلك
ترة بنفخة هوة ترد للوطية
ـــــــــــــــــــــــــــــــــــــــــــــــ
احمد الذهبي
علي ما افضل احد .. وانتة افضلك
واهد وافزع واثورن .. وانتفض لك
يبيك شلون خانوا .. وانتة فضلك
عليهم مثل فضل امي علية
ــــــــــــــــــــــــــــــــــــــــــــــ
محمد الغريب
كلبي ما لعب غيرة .. لعابة
واحسن شفة لامراضي .. لعابة
سبحان الذي صاغة .. لعابة
ونفخ بي روح حتة يعم علية
ـــــــــــــــــــــــــــــــــــــــــــــ
محمد الغريب
يمن وجهك بنص الليل .. لالة
شنو امك بالنساوة اشتهت .. لالة
من اكرّب ليك ليش تصيح .. لالة
خايف لا تموع ابين ادية
ـــــــــــــــــــــــــــــــــــــــــــــ
محمد الغريب
امش مملوح غيرك .. يمشي فاهي
وعجز يوصل الوصفك .. يمشفاهي
لون تدنة شفاهك .. يم شفاهي
الزك من تحط جيلات بية
ـــــــــــــــــــــــــــــــــــــــــــــ

محمد الغريب
وحجابك هذا لو قطعة .. من الغيم
ويحفظك يا ترف ربي .. من الغم
دكضني خلصت كصتي .. من الغم
من اشوفنك تصير جنون بية
ــــــــــــــــــــــــــــــــــــــــــ
محمد الغريب
من الفرح ما ظل .. شايبانة
ووكتنة من زغرنة .. شايبانة
تشوفيني يعمي .. شايب انة
ابيض راسي بس روحي طرية
ـــــــــــــــــــــــــــــــــــــــ
رياض الحار
صفنتلهة وضربت اخماس .. بسداس
وتعبت على البنيتة وياك .. بسداس
صحيح انة لعبت وياك .. بس داس
غلبتني بطيبتي العمت علية
ــــــــــــــــــــــــــــــــــــــــــ
رياض الحار
هاك خيوط روحي .. هاك ابرهة
ولو صاير بحرهة .. هاك برهة
الك حسرة بدليلي .. هاكبرهة
علي ثكلت مثل ثكلك علية
ـــــــــــــــــــــــــــــــــــــــــــ

سمير صبيح
انة من الجرح ماخاف .. لوسال
يراه شامت واخاف شلون لوسال
سيفك بالجذب لعداي .. لوسال
علي هد واكولن هد الية
ـــــــــــــــــــــــــــــــــــــــــــــــــ
نور اللامي
وكان شعجب زعلت .. من ايّان
وشوف شصار بية .. من ايانة
انة شعجب يزعل .. مني انة
وعلية شعجب يزعل من علية
ــــــــــــــــــــــــــــــــــــــــــــــــ
صباح الهلالي
انة الما يوم عاذل .. ملكيتة
وابد ما امل زماني .. مل لكيتة
يريدوني اهدّة .. من لكيتة
اعمة وجلبّت شيفك ايدية
ــــــــــــــــــــــــــــــــــــــــــــ
نور اللامي
انة من سنين احبك .. هايم انة
وكل حسرة بدليلي .. هايمانة
يكلبي انطيني جفك .. هاي امانة
حبيبي بمهجتك ضمّة الية
ــــــــــــــــــــــــــــــــــــــــــ
عطا السعيدي
منهو الكدرك يا زين ..من ساك
يبو ثغر البعود الارك .. منساك
انة بحتف المناية وكلت .. منساك
بنهر جسام وذكرك عصف بية
ـــــــــــــــــــــــــــــــــــــــــــ
رحيم المالكي
زماني بفركتك حزين .. حزنة
وعلى كل الحزن والنوح .. حزنة
تعال على الدليل وشوف ..حزنة
مغيم ما صفة ومخبوط ميّة
ــــــــــــــــــــــــــــــــــــــــــ
احمد الذهبي
وحك هموم البصدري .. والاكراب
الماي بغيبتك صدك .. ولك راب
الي رب اليصبرني .. وألك رب
اليفجعك بالعليهم خنت بيّة
ــــــــــــــــــــــــــــــــــــــــ
احمد الذهبي
تحن الروح كلساعة .. ترف لاك
ومشيت وظلت عيوني .. ترف لك
اذا ما جيتني الليلة .. ترة أفلاك
اسوي وجاينة انصب علية
ــــــــــــــــــــــــــــــــــــــــ

رحيم المالكي
شنفعني الجو يا صحاب .. من خلالي
اخذ ربعي واخوتي .. من خلالي
كثيرة ذيول عبرت .. من خلالي
الزلم واشباههة عبرت علية
ــــــــــــــــــــــــــــــــــــــــــــــــــ ـ
رحيم المالكي
انة المكسور دومي .. من لحمني
اسد خيوط ربعي .. منلحمني
ابي وما كلت روحي .. من لحم ني
تلحك تستوي وتنطيهة ادية
ــــــــــــــــــــــــــــــــــــــــــــــــ

(1)
 
عَلَي بالصبر روحي ما تمني 
وانه الواقع اعيشه ما تمني 
تره من ازمان عمري مات مني 
وقريت الفاتحه آنه عليَّه
 
(2)
 
زرعتك ورد مو للبيع للشام 
بهواك اغلگت ميت باب للشام 
تعال اثنينه وانروح للشام 
ونتباوس على عناد آل اميه
 
(3)
 
إذا هوه السهم والإيد وهرام 
شتاني؟ وكبر بيه العمر وهرام 
اشوف اجبال من الحزن وهرام 
وكل لحظه هرم يوگع عليَّه 
 
(4)

يا دم رسم صورة مجد يا دم
وظل ذكرى اعله مر الوكت يا دم 
گلي اشفادك التفاح يا دم
 جبت ليك وجبت لينه الأذيه 

(5)
 
اليخون الزاد ويه الملح مو باي 
تره الشينات عند الغير مو باي 
دعوة فرح رنت وسط مو باي 
رگص حتى الخليوي بين اديه
 

             وتوناس           

            راحو ناس  اهل  غیره  وتو ناس(وتوناس)

تکیف  وسفه   بلذله   و  توناس

احترگ واحد مصر گامت و تونس

احترگنه  ابذله  و تگول  اشعلیه

الشاعر:سالم ابوشقایق عبیداوی

*٬**چنه فصحه**٬*

عکاظ الشعر احنه چنه فصحه

عاقل سمع صوتی جنه فصحه

انه الشعبی امنکتبه چنه فصحی

لو اکتب الفصحه اشلون بیه

عمر القرقولی

الوکت گصص طفل گلبی و کلبی

اوضیع کلشی البجنبه   و کلبی

چلاب الناس رحمنی    و کلبی

ربطته ابسنسله او چحول علیه

سالم ابوشقایق عبیداوی

*٬*٬*

ها تــــــعبني حبك ها اذاني
دخت ها يا صلاتي ها يذاني
اكول التوبة ما احب هاي اذاني
اهد ذاني ويرد حبك علية

*٬*٬*

بنا قصورة بس لاتظن بنا دام
جرحنا لجن ما بين بنا دام
ابن حوا مو شرط يطلع بن ادم
لان حوا اطلعت موش ادمية

*٬*٬*

صراير عشك روحي وكصرتلك
ونفس وكت المنازع وك صرت لك
طويل واعلى منك واكصرتلك
حتى تلوح من تبوس ادية
*٬*٬*

--------------------------------------------------------------------------------

ها ضاع الشرف یا عرب ها مات
و بناکم بالشعار انشیل هامات
نسه و اطفال بفلسطین هامات
و تتفرّج اجیوش اهل الحمیّه
 
الشاعر علی سعد الساری

--------------------------------------------------------------------------------

--------------------------------------------------------------------------------

غرامــک دوم روحــــی ولهمــــنه
ابجفــاک اسحن الحنظل ولهمنه
اشـــلون اترک ودادک ولهمـــــنه
یــروح الــروح وانتـــه الــروح بیــــه
 
(مله محــــمد الــمایــــــــود)

--------------------------------------------------------------------------------

--------------------------------------------------------------------------------

المصدر:دیرة هلی

گضیت الگیـــــظ گلی اشلون بشتاک

او تحس انته الکباره ابلبس بشتاک

چنت مای ابجدح و البخت بشتـــاک

برض صبخه او نبع چذبک علیـه

عمیت و من ادیه الوکت ماگـــــــــاد

اوعلی ثوب الفرح فدیوم ماگـــــــــاد

دله انه و صفیت ابحظن موگـــــــــد

اشمافورن زمانی استلظ بیــــــــــه

المصدر:دیوان الحمید